Gutpela Graun em i wanem?

Gutpela Graun Wok Evangelis & Kirapim Disaipel i helpim ol bilipmanmeri long autim Stori bilong Hop long olgeta hap graun i gat resis long ol bilip na ol pasin tumbuna. Mipela raitim na salim planti kago i gat as long save bilong lotu long Baibel bilong evangelis na kirapim disaipel. Gutpela Graun E & KD i kisim nem bilong en long wanpela tok piksa bilong pikinini wit na ol graun. Dispela pikinini wit em i tok bilong gutnius. Tasol Jisas i mekim klia as bilong tok bilong “gutpela graun” olsem wanem? Matyu, Mak, na Luk i raitim dispela long tripela arapela tok long taim Jisas i tok klia long “gutpela graun.”

Matyu 13:23

“Tasol ol dispela pikinini wit i pundaun long gutpela graun, em i olsem man i harim tok na i save gut* as bilong en.”

*save gut [Tok Grik:  syneimi] dispela i min “holim gut” o “save pinis” o “bungim ol tok i tru na putim stret ol samting”

Mak 4:20

“Tasol sampela manmeri ol i olsem pikinini wit i pundaun long gutpela graun. Ol i harim tok, na ol i kisim* na holim,”

*kisim [Tok Grik:  paradechomai] dispela i min “kisim wantu” o “tok amamas” o “holim pas”

Luk 8:15

“Tasol ol dispela pikinini wit i pundaun long gutpela graun, ol i olsem ol man i harim tok na ol i *holim pas”

*holim pas [Tok Grik:  katecho] dispela i min “holim pas inap em bai no lus”

Gutpela Graun E&KD mipela i lukaut gut long traim helpim ol manmeri long save gut tru, tingting long bel, na holim pas long dispela Gutnius.

Tsoh Png Cover

Olsem wanem mi ken helpim wanpela, husat i no bilip, save gut tru long dispela Gutnius?

Long wanem taim yu autim dispela gutnius long wanpela husat i save liklik o em i no save wanpela samting long Buk Baibel na bilip bilong ol Kristen, em bai no save gut long ol tok o as tingting i stap insait long en. Sapos yu no mekim klia as tok bilong Gutnius bilong Baibel, orait ol man bai i no inap luksave. Tasol inap ol dispela tok i tru i ken kamap klia long tingting bilong ol man, yumi mas stretim ol stori bilong Baibel long as tok i go inap long pinis bilong tok bilong Baibel.

Stori bilong Hop em yu ken i autim long wanpela ten faiv minit o mekim planti toktok i go inap long tupela ten aua o moa. Yu ken yusim dispela wantaim wanpela man o sampela lain, long traim tanim tingting bilong ol, tasol em bai helpim yu long skulim ol lain long tingting bilong God long kisim bek ol. Buk i gat 40 stori (20 Olpela Testamen na 20 Nupela Testamen) na sampela piksa bilong graun i go wantaim ol stori.

Olsem wanem mi ken helpim ol nupela bilipmanmeri holim pas long dispela Gutnius?

Ol evangelis i pasim Baibel wantaim wok bilong em bilong kirapim disaipel. Ol bilipman bai sanap strong long bilip bilong ol long Jisas Krais olsem God i lokim doa bilong ol. Tasol, God i bin makim yumi long “kirapim disaipel.”

Rot bilong Amamas em i as bilong stadi bilong strongim wanpela nupela bilipmanmeri long tenpela bikpela leson long plen bilong God long kisim bek ol man, ChronoBridge i go long Laip, save tru yu kisim pinis laip i stap gut oltaim oltaim, Baibel, prea, Holi Spirit, klin olgeta, autim tok, lokal sios, plen bilong God long laip bilong ol bilipmanmeri. Ol wanpela wanpela leson i gat sampela kad i gat ves long en na wanpela we bilong ritim wanpela sapta bilong Baibel long ol wanpela wanpela de.

Wanpela buk bilong soim rot bilong stadim Baibel i gat as olsem long yu ken yusim long autim tok, strongim tok, na kirapim ol disaipel. As bilong dispela buk em i bilong wanpela man i yusim bilong skulim narapela man long ol leson bilong kirapim disaipel. Tasol, yu ken yusim dispela buk long skulim ol liklik lain o planti bilipmanmeri. Buk wantaim tenpela leson na sampela kad i gat Baibel ves i stap long en bilong yusim wantaim ol leson.

Twtj Png Cover

Look Inside +

We bilong kisim toksave

Sapos yu laik kisim sampela moa toksave o yu laik kisim sampela buk, plis raitim pas i kam long: PNG@GoodSoil.com.

Sampela moa kago yu inap lukim long dispela pes: GoodSoil.com/Resources.

Join Our Mailing List

Get notices for new products, resources, and training events.

Subscribe

Set your country and language

We will add support for new countries and languages in the future.